Першага верасня,
першы званок
Зноўку на першы паклікаў урок
Вучняў усіх,
каб адказ на пытанне:
Хто твае продкі,
з якой ты краіны?
Вучні маглі адказаць без вагання:
"Мы –
беларусы,
мы ведаць павінны,
Што Беларусь –
гэта наша Айчына,
І яна самая лепшая ў свеце!
Мы Беларусі шчаслівыя дзеці!"
© Віктар Шніп
Першага верасня ва ўстанове адукацыі адбыўся першы ўрок па тэме "Я вырас тут, і край мне гэты дарагі". Хлопчыкі і дзяўчаты ўсіх класаў разважалі аб сэнсе паняцця "малая радзіма" і яе значэнне ў жыцці кожнага чалавека, а таксама на прыкладах прафесійнай і грамадскай дзейнасці землякоў, іх ролі ў развіцці эканомікі, культуры, спорту і навукі Беларусі. Цікавасць да сучаснасці і мінулага свайго краю, здольнасць шанаваць гістарычную і культурную спадчыну, любавацца сваеасаблівасцю і прыгажосцю роднай прыроды - усё гэта дазваляе развіваць каштоўнае стаўленне да малой радзімы і асабістую датычанасць кожнага грамадзяніна да яе лёсу.